Kyun kisi ko ghalat raasta dikhlayein hum
Kahin apni raah mein na bhatak jayein hum
Bada ghalib hua jaraha hai ishq ka asar
Khud ko is sheh se kaise bachayein hum
Sadak pe chalke dekhte hain haale-ghurbat
Ahkaame-insaniyat ko kaise bhulayein hum
Dil pe zor padta hai to ankhein rawan hoti hain
Ab aur kahan is dard ko chhupayein hum
Na rehguzar hai koi na manzil ka pata hume
Dekhiye chalte-chalte kahan pahonch jaayein hum
Maut ke kareeb leaayi hai taqdir humko
Waada-e-hayat ko kaise nibhayein hum
Haqiqat ke bazuon mein ab wo taqat nahi rahi ZIA
Unko apne gham ka sabab kaise samjhayein hum
