Behgaye hain meri
ankhon se samandar kitne
Huey hain aaj tak
mujhe gham mayassar kitne
Waqt ne bhar diya
kuch zakhmon ko phir bhi
Ghaav ab bhi
maujood hain dil ke andar kitne
Kisi ne ched di
hai phir mere ishq ki daastan
Zehen mein aaye
hain mere manzar kitne
Kyun bana main
shayar na pooche koi mujhse
Uske husn ne
banaye thay jaane sukhanwar kitne
Sogayin yaaden,
dafn hain panno mein dil ke
Bhoolgaye Zia
likhe thay sher Raat Bhar kitne
