GHALIB

Kabhi roshni to kabhi andhera mere aage
Hota hai shabo-roz tamaasha mere aage

In husnwalon se ab mujhe kya ho darkaar
Jab khadi hai pari-e-mahlaqa mere aage

Thaani hai to utar aunga tere dil mein main
Chaahe lagado nafrat ka pehra mere aage

Zeher sa namkin lagta hai tujhe ankh ka dariya
Shabnam sa shirin hai ye masakna mere aage

Mauje-saba to kabhi lehere-ayyub liye hue
is tarahn behta hai ye dariya mere aage

Ye akse-khushboo ye gulposh fazayein kaisi
jaise khilraha hai koi sehra mere aage

Chalo sajayein aaj bazme-ishq is dil mein
rakhdo laake uska chehra mere aage

Main chalta raha manzil ke peeche peeche
Aur bhaagta raha ye zamana mere aage

Qatle-wafa ka jo tune mujhe banadia moharriq
Mera kalam bhi hai sharminda mere aage

Jab Masti-e-idaraake-junoon mein hun dooba phir
kya masti-e-baadaa-e-isharat ka nasha mere aage

Teri nigahon ka tabassum tere labon ki narmi
sab dikhta hai jab aata hai aaina mere aage

Main ZIA adna sa ek shayar mehroome-alfaz
Aye GHALIB tu hai lafzon ka khuda mere aage